D Coco Chanel, äigentlig Gabrielle Bonheur Chasnel, (* 19. August 1883 z Saumur, Pays de la Loire; † 10. Januar 1971 z Bariis) isch e franzöösischi Modädisäinere und Gründere vom Chanel-Modäimperium gsi. Si isch äini vo de wichdigste Persöönlikäite in dr Gschicht vo dr Modä im 20. Joorhundert gsi. Si het en usserordentlige Iifluss uf d Haute Couture ghaa. Dä isch so grooss gsi, ass si as äinzigi Persoon us deere Bruefsgrubbe vo dr US Zitschrift Time Magazine zu de 100 iiflussriichste Lüt vom 20. Joorhundert zelt worde isch.
1916 het si e funktionelli Daamemoode iigfüert mit Röck bis zu de Waade, emne Ooberdäil, wo lugg mit eme Gürtel zämmeghalte worde isch, und churz gschnittene Hoor. In de 1920er Joor het d Coco Chanel s „Chliine Schwarze“ kreiert. 1923 het si s Barfüm „Chanel Nº 5“ uusebrocht. Vo dr Middi vo de 1950er Joor aa isch iir Chanelgostüm mit eme lugge Jäggli, wo mäistens bordiert gsi isch, und eme usgstellte Rock wältbekannt worde.
© MMXXIII Rich X Search. We shall prevail. All rights reserved. Rich X Search